..:: Rinia ::..

E diela ishte një ditë e madhe për Edna Parker. Miqtë dhe familjarët e saj ishin mbledhur për të festuar datëlindjen e 115-të të saj. Parker ishte lindur më 20 prill të vitit 1893. Në gushtin e vjetëm ajo ka hyrë në librin e Ginisit si personi më i vjetër në botë, rekord që deri atëherë mbahej nga portugezja Maria de Jesus.

Brad Pitt dhe Angelina Jolie do të martohen gjatë muajit qershor, kanë raportuar mediat e huaja. Çifti thuhet se do të martohet nëpërmjet një ceremonie shumë private vetëm me disa miq dhe familjarë.

Këngëtarja kolumbiane Shakira i është bashkuar kongresistes Nita Lowey dhe më shumë se 50 studentëve për të bërë thirrje që të përpilohej një ligj që do të siguronte edukimin e fëmijëve të vendeve të varfra. Pjesëmarrja e fitueses së çmimit “Grammy” në këtë ngjarje ishte pjesë e fushatës globale “Java e Edukimit” në Uashington DC që nisi të hënën dhe do të përmbyllet më 27 prill.

Vikendi për jurinë e sivjetme të shpërblimeve video-muzikore “Video-festi muzikor” ka qenë mjaft i vështirë. Nga 180 video-klipe vetëm 31 prej tyre juria ka nominuar në 15 kategori të ndryshme të shpërblimeve videomuzikore.